UPSC EPFO APFC ભરતી 2026: 80 જગ્યાઓ પર ભરતી, 22 ઓગસ્ટ સુધી કરી શકાશે અરજી

સરકારી નોકરીની તૈયારી કરી રહેલા ઉમેદવારો માટે મહત્વના સમાચાર છે. સંઘ લોક સેવા આયોગ (UPSC)એ કર્મચારી ભવિષ્ય નિધિ સંગઠન (EPFO)માં અસિસ્ટન્ટ પ્રોવિડન્ટ ફંડ કમિશનર (APFC)ની ભરતી માટે શોર્ટ નોટિફિકેશન જાહેર કર્યું છે. આ ભરતીમાં કુલ 80 જગ્યાઓ ભરવામાં આવશે.

UPSC દ્વારા APFC ભરતીનું શોર્ટ નોટિફિકેશન 19 ઓગસ્ટ 2026ના રોજ જાહેર કરવામાં આવ્યું છે. આ ભરતી માટે અરજી પ્રક્રિયા 22 ઓગસ્ટ 2026થી શરૂ થશે, જ્યારે ઉમેદવારો 11 સપ્ટેમ્બર 2026 સુધી ઓનલાઈન અરજી કરી શકશે.

ગ્રેજ્યુએટ ઉમેદવારો કરી શકશે અરજી

EPFO APFC ભરતી માટે માન્ય યુનિવર્સિટી અથવા સંસ્થામાંથી કોઈપણ વિષયમાં ગ્રેજ્યુએશનની ડિગ્રી ધરાવતા ઉમેદવારો અરજી કરી શકશે. એટલે કે કોઈ ચોક્કસ સ્ટ્રીમમાં ગ્રેજ્યુએશન કરવું ફરજિયાત નથી.

ઉમેદવારો માટે મહત્તમ વયમર્યાદા સામાન્ય અને EWS કેટેગરીમાં 35 વર્ષ રાખવામાં આવી છે. OBC ઉમેદવારોને મહત્તમ વયમાં 3 વર્ષની, જ્યારે SC અને ST ઉમેદવારોને 5 વર્ષની છૂટ મળશે. PwBD કેટેગરીના ઉમેદવારોને નિયમ મુજબ 10 વર્ષ સુધીની વધારાની વયછૂટ મળી શકે છે.

80 જગ્યાઓ પર ભરતી

APFC ભરતીમાં અલગ અલગ કેટેગરી પ્રમાણે જગ્યાઓ ફાળવવામાં આવી છે.

લેખિત પરીક્ષા અને ઇન્ટરવ્યૂથી થશે પસંદગી

ઉમેદવારોની પસંદગી લેખિત પરીક્ષા અને ઇન્ટરવ્યૂના આધારે કરવામાં આવશે. લેખિત પરીક્ષા કુલ 300 માર્ક્સની હશે. તેમાં 120 બહુવિકલ્પીય પ્રશ્નો પૂછવામાં આવશે અને પરીક્ષા માટે 2 કલાકનો સમય મળશે.

પરીક્ષામાં ખોટા જવાબ માટે એક તૃતીયાંશ માર્કની નેગેટિવ માર્કિંગ રહેશે. લેખિત પરીક્ષામાં સફળ થનારા ઉમેદવારોને ત્યારબાદ 100 માર્ક્સના ઇન્ટરવ્યૂ માટે બોલાવવામાં આવશે. અંતિમ મેરિટ લિસ્ટ લેખિત પરીક્ષા અને ઇન્ટરવ્યૂમાં મેળવેલા કુલ માર્ક્સના આધારે તૈયાર કરવામાં આવશે.

APFC ભરતી માટે અરજી ફી કેટલી?

સામાન્ય, EWS અને OBC કેટેગરીના પુરુષ ઉમેદવારો માટે અરજી ફી 25 રૂપિયા રાખવામાં આવી છે. મહિલા ઉમેદવારો તેમજ SC, ST અને દિવ્યાંગ ઉમેદવારો પાસેથી અરજી ફી લેવામાં આવશે નહીં.

APFC ભરતી 2026ની મહત્વની તારીખો

ઇચ્છુક અને લાયક ઉમેદવારોએ અરજી કરતા પહેલાં UPSC દ્વારા જાહેર કરવામાં આવનાર વિગતવાર નોટિફિકેશનમાં લાયકાત, પરીક્ષા પેટર્ન, વયમર્યાદા અને અન્ય શરતો ધ્યાનપૂર્વક તપાસવી જરૂરી રહેશે.